الفريق شغّال والأرقام واقفة
لو شفت حالك في وحدة من هذي، مشكلتك مو في التنفيذ.
بس للمكان الغلط.
عشر ساعات شهرياً موزّعة على أربع مهام
ما نستبدل فريقك. نشتغل فوقه.
نقرأ حساباتكم وحسابات منافسيكم
إيش يوصل عندهم وما يوصل عندكم، وليش. نطلع بورقة وحدة فيها الفجوة الحقيقية، مو انطباع عام عن السوق.
نحسم شخصية الحساب
النبرة، والزوايا اللي تتكلمون منها، واللي ما تقربونه أبداً. وثيقة يرجع لها أي واحد يكتب أو يصمّم عندكم بدل ما يجتهد كل مرة.
نجلس مع الفريق ونراجع قبل النشر
جلسة دورية على اللي انكتب واللي انتشر. نصحّح الاتجاه قبل ما ينزل، مو بعد ما ينزل ونشوف الأرقام واقعة.
نقرأ الأداء ونطلع بقرار
التقرير ينتهي بثلاثة قرارات لا بجدول أرقام. إيش نكرّره، إيش نوقفه، ووين تنصرف الميزانية إن انصرفت.
إيش تستلم الشركة كل شهر
أشياء تُعد وتنحسب. مو حضور اجتماعات.
ساعات عمل استراتيجي
موزّعة على جلسات الفريق والمراجعات والتحليل.
وثيقة استراتيجية حيّة
تتحدّث كل شهر. مرجع أي واحد يكتب أو يصمّم عندكم.
تقرير ينتهي بقرارات
إيش نكرّر وإيش نوقف وليش، بدون جداول تحتاج ترجمة.
مراجعة قبل النشر
نشوف اللي ينتجه فريقك ونعدّله قبل ما ينزل.
زوايا الشهر الجاي
الأفكار والرسائل جاهزة لفريقك ينفّذها.
قناة مباشرة مع الفريق
بدون وسطاء ولا نظام تذاكر.
مو كل شركة تستفيد من هالشراكة
عشر ساعات استراتيجية بدون حد ينفّذها فلوس ضايعة. نقولها قبل التعاقد.
مناسبة لك إذا
- عندك من ينفّذ ولو شخصين
- عندك منتج أو خدمة تبيع فعلاً اليوم
- تبي واحد يقود المحتوى، مو واحد ينفّذ أوامرك
- تتحمّل مراجعة صريحة حتى لو الأرقام سيئة
- تقدر تعطي فريقك صلاحية ينفّذ اللي نتفق عليه
غير مناسبة لك إذا
- ما عندك فريق ينفّذ، فاللي يناسبك المتابعة الشخصية الكاملة
- تبي حد يمسك الحسابات بنفسه كل يوم
- المنشور عندكم يحتاج ثلاث موافقات قبل ما ينزل
- تنتظر رقم مضمون خلال ثلاثين يوم
- تبي ورقة تقدّمها لجهة تمويل، مو نتيجة
الأرقام
هذي خانات فاضية عمداً. تتعبّى من بيانات عملاء حقيقيين قبل النشر، لأن دليل مركّب أسوأ من عدمه.
نمو الوصول خلال ٩٠ يوم
انخفاض تكلفة الوصول للعميل
عدد الحسابات المُدارة
مساحة دراسة حالة لشركة وحدة. الوضع قبل، وإيش تغيّر في الاستراتيجية، وأثره على المبيعات، وكم أخذ.
عشر ساعات عمل استراتيجي شهرياً. أقل التزام ثلاثة أشهر.
مكالمة نص ساعة نشوف فيها إذا كان فريقك جاهز لهالشراكة
أسئلة تسألها الشركات
إيش الفرق بينها وبين المتابعة الشخصية الكاملة؟
المتابعة الكاملة تنفيذ. نكتب ونصمّم ونشرف على الإنتاج بدالك. هذي توجيه. فريقك ينفّذ وإحنا نبني الاستراتيجية ونراجع ونقيس. لو ما عندك فريق فالأولى هي اللي تناسبك.
كيف تنصرف العشر ساعات؟
حسب الشهر. جلسات مع الفريق، مراجعة محتوى، بناء استراتيجية، وتحليل. نتفق على التوزيع أول الشهر ويوصلك سجل باللي انصرف.
تضمنون لي نتيجة؟
لا. أي حد يضمن لك رقم في مدة محددة إما ما يفهم الخوارزميات أو يبيعك كلام. اللي نضمنه شغل منضبط وقياس مكشوف تشوف فيه بنفسك إيش نفع وإيش ما نفع.
تشتغلون على أكثر من منصة؟
نعم، بشرط تكون كل منصة لها هدف مختلف. لو المطلوب نسخ نفس المنشور على أربع منصات فما تحتاج عشر ساعات لهذا.
مين نتواصل معه؟
مع الفريق مباشرة على قناة مخصصة لكم.
لو ما ارتحنا؟
التعاقد ثلاثة أشهر بمراجعة نهاية كل شهر. لو ما شفت التزام بالمنهجية والتسليمات تتوقف بعد الشهر الجاري وما عليك غرامة.
فريقك ينتج. بس هل ينتج نتيجة؟
ابدأ بمكالمة تقييم. ولو طلع إن مشكلتكم في التنفيذ مو في الاستراتيجية بقولها لك بنفس المكالمة.
احجز مكالمة تقييم مجانية◆ نشتغل مع عدد محدود من الحسابات بنفس الوقت